मुंबई : नाशिकमधील भोंदूबाबा अशोक खरात प्रकरणाने Ashok Kharat case राज्यभरात खळबळ उडवली असून, दररोज समोर येणाऱ्या नव्या माहितीमुळे या प्रकरणाला अधिकच गती मिळत आहे. बलात्काराच्या आरोपाखाली अटक झालेल्या खरातची एसआयटीमार्फत चौकशी सुरू असताना आता कॉल डिटेल रेकॉर्ड (CDR) लीक झाल्याचा मुद्दा चर्चेत आला आहे. यावर मुख्यमंत्री देवेंद्र फडणवीस यांनी मोठं वक्तव्य करत चौकशीचे संकेत दिले आहेत.
Ashok Kharat case अशोक खरात प्रकरणातील कॉल डिटेल रेकॉर्ड (CDR) लीक झाल्याचा मुद्दा गंभीर असल्याचे स्पष्ट करत मुख्यमंत्री देवेंद्र फडणवीस Devendra Fadnavis यांनी याची चौकशी करण्यात येणार असल्याचे सांगितले.
“CDR मिळवण्याचा अधिकार केवळ तपास यंत्रणांना आहे. मग हे रेकॉर्ड बाहेर कसे आले?” असा सवाल त्यांनी Devendra Fadnavis उपस्थित केला. या घटनेमुळे तपास प्रक्रियेवर परिणाम होण्याची शक्यता नाकारता येत नाही, त्यामुळे दोषींवर कठोर कारवाई केली जाईल, असा इशाराही त्यांनी दिला.
आरोप-प्रत्यारोपांपेक्षा पुराव्याला महत्त्व
राजकीय वर्तुळात सुरू असलेल्या आरोप-प्रत्यारोपांवर प्रतिक्रिया देताना फडणवीस म्हणाले की, केवळ कोणाशी फोनवर बोलले यावरून गुन्हेगारी ठरवता येत नाही. “क्रिमिनल जस्टिस सिस्टम पुराव्यावर चालते, आरोपांवर नाही,” असे स्पष्ट करत त्यांनी संयम राखण्याचे आवाहन केले. या प्रकरणात सबळ पुरावे समोर आल्यासच कारवाई होईल, असे त्यांनी ठामपणे सांगितले.
आतापर्यंत १२ गुन्ह्यांची नोंद
अशोक खरातविरोधात आतापर्यंत १२ गुन्हे दाखल झाले असल्याची माहितीही मुख्यमंत्र्यांनी Devendra Fadnavis दिली. दररोज नव्या तक्रारी आणि माहिती समोर येत असल्याने तपास अधिक गुंतागुंतीचा होत आहे. एसआयटी पथक या सर्व बाबींची बारकाईने चौकशी करत असून योग्य वेळी सविस्तर माहिती जाहीर केली जाईल, असेही त्यांनी स्पष्ट केले.
अंजली दमानियांचे गंभीर आरोप
या प्रकरणाला नवे वळण देत सामाजिक कार्यकर्त्या अंजली दमानिया यांनी अनेक राजकीय व्यक्तींवर गंभीर आरोप केले आहेत. त्यांनी अशोक खरातसोबत झालेल्या कॉल्सची यादी सार्वजनिक करत अनेक धक्कादायक दावे केले. त्यांच्या मते, काही प्रमुख नेत्यांचे खरातसोबत वारंवार संपर्क झाले होते, ज्यामुळे संशय अधिक गडद झाला आहे.
कॉल रेकॉर्डमधील आकडेवारी चर्चेत
दमानिया यांनी मांडलेल्या आकडेवारीनुसार, रुपाली चाकणकर यांचे तब्बल १७७ कॉल्स अशोक खरातला झाले असून त्यांच्या बहिणीचे २३६ कॉल्स असल्याचा दावा आहे. याशिवाय, उपमुख्यमंत्री एकनाथ शिंदे यांचे १७ कॉल्स (१० इनकमिंग, ७ आऊटगोईंग) झाल्याचे त्यांनी सांगितले. या कॉल्समधील सर्वाधिक संभाषण २१ मिनिटांचे असल्याचेही त्यांनी नमूद केले.
इतर नेत्यांचाही संपर्क असल्याचा दावा
दमानिया यांच्या आरोपांनुसार, चंद्रकांत पाटील आणि सुनील तटकरे यांचे प्रत्येकी ८ कॉल्स, तर आशिष शेलार यांचा एक कॉल अशोक खरातसोबत झाल्याचे सांगण्यात आले आहे. या सर्व आकडेवारीमुळे राजकीय वर्तुळात खळबळ उडाली असून संबंधित नेत्यांकडून स्पष्टीकरणाची मागणी केली जात आहे.
तपासाकडे राज्याचे लक्ष
सध्या या संपूर्ण प्रकरणाकडे राज्य सरकारचे बारकाईने लक्ष असून एसआयटी तपास निर्णायक टप्प्यात असल्याचे मानले जात आहे. CDR लीक प्रकरणाची चौकशी आणि पुढील तपास यामुळे येत्या काही दिवसांत आणखी मोठे खुलासे होण्याची शक्यता आहे. त्यामुळे या प्रकरणाकडे संपूर्ण राज्याचे लक्ष लागले आहे.
हे ही वाचा : Maharashtra Youth Congress महाराष्ट्र प्रदेश युवक काँग्रेस उपाध्यक्षपदी प्रथमेश विकास आबनावे यांची निवड
