पुणे : पुणे आंतरराष्ट्रीय विमानतळाच्या एअर कार्गो विभागात केंद्रीय सीमाशुल्कविभागाने (कस्टम) मोठी कारवाई करत २६ कोटी ८० लाख रुपयांचा हायड्रोपोनिक गांजा जप्त केला. Pune Airport drug bust थायलंडहून आयात करण्यात आलेल्या खाद्यपदार्थांच्या नावाखाली हा गांजा चतुराईने लपवून आणण्यात आल्याचे उघडकीस आले आहे. या प्रकरणी एका आरोपीला अटक करण्यात आली असून, तस्करीच्या संपूर्ण साखळीचा शोध घेण्यासाठी सखोल तपास सुरू आहे.
Pune Airport drug bust विमानतळावरील एअर कार्गो विभागात गुरुवारी नियमित तपासणी सुरू असताना कस्टम अधिकाऱ्यांना एका कंटेनरबाबत संशय आला. कागदपत्रांनुसार त्यात चिनी खाद्यपदार्थ असल्याचे नमूद होते. मात्र पॅकेजिंग आणि वजनामध्ये विसंगती आढळल्याने अधिकाऱ्यांनी सखोल तपासणी करण्याचा निर्णय घेतला.
‘मँडरिन ऑरेंज सॉस’च्या नावाखाली खेळ
संबंधित कंटेनरमध्ये ‘मँडरिन ऑरेंज सॉस’ Mandarin orange sauce असे लेबल असलेले टिन थर्माकोलच्या खोक्यांमध्ये ठेवले होते. हे टिन उघडल्यावर सुरुवातीला पांढऱ्या रंगाची भुकटी दिसली. त्यामुळे प्रथमदर्शनी ते खाद्यपदार्थ असल्याचा भास निर्माण होत होता. मात्र अधिकाऱ्यांनी तपासणी पुढे चालू ठेवली.
भुकटीखाली सापडला गांज्याचा साठा
डब्यांतील पांढऱ्या भुकटीखाली प्लास्टिक पिशव्यांमध्ये हायड्रोपोनिक गांजा Hydroponic cannabis लपवून ठेवलेला आढळला. ही पद्धत अत्यंत योजनाबद्ध असल्याचे अधिकाऱ्यांनी सांगितले. भुकटीचा थर ठेवून तपास यंत्रणांना चकवा देण्याचा प्रयत्न करण्यात आला होता.
७६ किलो गांजा जप्त
कस्टम पथकाने संपूर्ण मालाची तपासणी केल्यानंतर एकूण ७६ किलो हायड्रोपोनिक गांजा Hydroponic cannabis जप्त करण्यात आला. आंतरराष्ट्रीय बाजारपेठेत या गांज्याची किंमत तब्बल २६ कोटी ८० लाख रुपये असल्याचे स्पष्ट झाले. इतक्या मोठ्या प्रमाणावर जप्ती झाल्याने विमानतळावरील सुरक्षा यंत्रणांमध्ये खळबळ उडाली आहे.
एका आरोपीला अटक
या प्रकरणी कस्टम विभागाने एका संशयिताला अटक केली आहे. संबंधित आरोपीचा तस्करी नेटवर्कशी संबंध असल्याचा प्राथमिक अंदाज व्यक्त करण्यात आला आहे. त्याच्याकडून मिळणाऱ्या माहितीच्या आधारे आणखी काही जणांचा सहभाग उघड होण्याची शक्यता आहे.
थायलंड-पुणे मार्गावर वाढती तस्करी
कस्टम अधिकाऱ्यांच्या माहितीनुसार, थायलंडहून पुण्याकडे Thailand to India drug trafficking येणाऱ्या कार्गोमार्फत हायड्रोपोनिक गांजाची तस्करी करण्याचे प्रकार यापूर्वीही उघड झाले आहेत. त्यामुळे या मार्गावर विशेष लक्ष ठेवण्यात आले असून, तपास अधिक तीव्र करण्यात आला आहे.
हायड्रोपोनिक गांजा म्हणजे काय?
हायड्रोपोनिक गांजाची Hydroponic cannabis लागवड नियंत्रित वातावरणात, मातीऐवजी विशेष द्रावणात केली जाते. या प्रक्रियेमुळे गांज्याची गुणवत्ता आणि प्रभाव वाढतो. परिणामी, या गांज्याची नशा अधिक तीव्र असते आणि त्याची मागणी विशेषतः उच्चभ्रू वर्गात वाढत आहे.
महागडा आणि धोकादायक ट्रेंड
साध्या गांज्याच्या तुलनेत हायड्रोपोनिक गांजा अधिक महाग असून त्याचा वापर वाढत असल्याचे अधिकाऱ्यांनी सांगितले. या वाढत्या मागणीमुळे तस्करीचे प्रमाणही वाढत आहे. त्यामुळे अशा प्रकारांवर नियंत्रण ठेवण्यासाठी कस्टम आणि अन्य तपास यंत्रणा अधिक सतर्क झाल्या आहेत.
सखोल तपास सुरू
या प्रकरणाच्या अनुषंगाने कस्टम विभागाने सखोल तपास सुरू केला आहे. तस्करीमागील आंतरराष्ट्रीय रॅकेट, आर्थिक व्यवहार आणि स्थानिक संपर्क यांचा तपास केला जात आहे. पुढील काही दिवसांत या प्रकरणात आणखी मोठे खुलासे होण्याची शक्यता व्यक्त केली जात आहे.
