पुणे : पुण्यातील नवले पूल Navale Bridge Pune news परिसरातील वारंवार होणारे अपघात आणि वाहतूक कोंडी रोखण्यासाठी राष्ट्रीय महामार्ग प्राधिकरणाने (NHAI) अत्याधुनिक उपाययोजना अमलात आणल्या आहेत. १४ सीसीटीव्ही कॅमेरे आणि ३ हायस्पीड गॅन्ट्री कॅमेऱ्यांच्या मदतीने आता या संपूर्ण परिसरावर २४ तास ‘रिअल-टाइम’ नजर ठेवली जाणार आहे. त्यामुळे अपघात झाल्यास तात्काळ मदत मिळणे आणि नियमभंग करणाऱ्यांवर लगेच कारवाई करणे शक्य होणार आहे.
Navale Bridge Pune news नवले पूल परिसरात बसविण्यात आलेले १४ सीसीटीव्ही कॅमेरे आणि ३ हायस्पीड गॅन्ट्री कॅमेरे थेट पोलिस नियंत्रण कक्षाशी जोडले गेले आहेत. या प्रणालीमुळे वाहनांची हालचाल, वेग आणि वाहतुकीची स्थिती यावर सतत लक्ष ठेवता येणार आहे.
अपघात घडताच संबंधित यंत्रणांना त्वरित सूचना मिळणार असल्याने मदतकार्याचा वेग वाढणार आहे.
वेगमर्यादेत मोठी कपात
या भागातील Navale Bridge धोकादायक उतार आणि जड वाहनांची वाढती वर्दळ लक्षात घेऊन NHAI ने वेगमर्यादा ६० किमी प्रतितासवरून थेट ४० किमी प्रतितास इतकी कमी केली आहे. संपूर्ण मार्गावर नवीन वेगमर्यादेचे फलक लावण्यात आले आहेत. ठराविक मर्यादेपेक्षा जास्त वेगाने वाहन चालवणाऱ्यांवर सीसीटीव्हीद्वारे आपोआप दंड आकारला जाणार आहे.
रंबल स्ट्रिप्स’मुळे वेगावर नियंत्रण
वाहनांचा वेग नैसर्गिकरीत्या कमी करण्यासाठी कात्रज बोगद्यापासून नवले पुलापर्यंत Navale Bridge २० मिमी उंचीचे ‘रंबल स्ट्रिप्स’ बसविण्यात आले आहेत. या स्ट्रिप्समुळे चालकांना उतारावर गाडीचा वेग कमी ठेवण्यास मदत होणार असून अपघाताची शक्यता घटणार आहे.
डिजिटल बोर्ड देणार ‘रिअल-टाइम’ माहिती
वाहनचालकांना हवामान, रस्त्याची स्थिती आणि वाहतुकीबाबत तत्काळ माहिती मिळावी यासाठी तीन आधुनिक डिजिटल बोर्ड बसविण्यात येत आहेत. या बोर्डवरून चालकांना पुढील धोके, ट्रॅफिक स्थिती आणि सूचना वेळोवेळी दिल्या जाणार आहेत.
रस्ते सुरक्षा उपाययोजनांची अंमलबजावणी
नवले पूल Navale Bridge परिसर अधिक सुरक्षित करण्यासाठी रस्त्यावर रिफ्लेक्टिव्ह ‘कॅट-आइज’, स्पष्ट लेन मार्किंग, ब्लिंकर्स आणि अपघाती क्षेत्राचे इशारा फलक बसविण्यात आले आहेत. रात्रीच्या वेळीही वाहनचालकांना मार्ग स्पष्ट दिसावा आणि अपघात टाळता यावेत, यासाठी या उपाययोजना महत्त्वाच्या ठरणार आहेत.
नियमभंगावर ‘झिरो टॉलरन्स’
नवीन प्रणालीमुळे वाहतूक नियमांचे उल्लंघन करणाऱ्यांवर २४ तास नजर ठेवली जाणार आहे. वेगमर्यादा ओलांडणाऱ्या वाहनांवर त्वरित दंडात्मक कारवाई होणार असल्याने चालकांमध्ये शिस्त निर्माण होण्याची अपेक्षा व्यक्त केली जात आहे.
अधिकाऱ्यांचा विश्वास
राष्ट्रीय महामार्ग प्राधिकरणाचे NHAI प्रकल्प संचालक संजय कदम यांनी सांगितले की, “नवले पूल Navale Bridge परिसरातील अपघात रोखण्यासाठी आम्ही तत्काळ प्रतिसाद प्रणालीवर भर दिला आहे. कॅमेरे, रंबल स्ट्रिप्स आणि डिजिटल बोर्ड यामुळे चालकांना वेगावर नियंत्रण ठेवणे सोपे जाईल. या उपाययोजनांमुळे अपघातांचे प्रमाण निश्चितच कमी होईल.”
पुणेकरांसाठी दिलासा
नवले पूल Navale Bridge परिसर हा अपघातप्रवण म्हणून ओळखला जातो. मात्र, आता हायटेक यंत्रणा आणि कडक नियमांमुळे या भागातील प्रवास अधिक सुरक्षित होण्याची चिन्हे आहेत. या उपाययोजनांचा प्रभावी अंमल झाल्यास पुणेकरांना मोठा दिलासा मिळणार आहे.
