पुणे : Pune University Flyover सावित्रीबाई फुले पुणे विद्यापीठासमोरील आनंदऋषीजी चौकातील एकात्मिक दुमजली उड्डाणपूल रविवारी वाहतुकीसाठी खुला करण्यात आला. या आधुनिक उड्डाणपुलाचे उद्घाटन मुख्यमंत्री देवेंद फडणवीस Devendra Fadnavis यांच्या हस्ते दूरदृश्य प्रणालीद्वारे झाले.
Pune University Flyover या पुलाला उपमुख्यमंत्री Ajit Pawar यांचे नाव देण्यास आपला पाठिंबा असल्याचे फडणवीस यांनी जाहीर केले असून लवकरच नामकरण करण्यात येईल, असे त्यांनी स्पष्ट केले.
Pune University Flyover या कार्यक्रमाला उपमुख्यमंत्री व पुण्याच्या पालकमंत्री Sunetra Pawar, केंद्रीय राज्यमंत्री Murlidhar Mohol, राज्यमंत्री Madhuri Misal, पुण्याच्या महापौर Manjusha Nagpure, आमदार Siddharth Shirole, उपमहापौर परशुराम वाडेकर, स्थायी समिती अध्यक्ष श्रीनाथ भिमाले, सुनील टिंगरे, ‘पीएमआरडीए’चे आयुक्त डॉ. योगेश म्हसे, पुणे महापालिकेचे अतिरिक्त आयुक्त पृथ्वीराज बी. पी. तसेच पीएमआरडीएचे मुख्य अभियंता रियाज पठाण यांच्यासह अनेक मान्यवर उपस्थित होते.
टीकेनंतरही प्रकल्प पूर्ण
आनंदऋषीजी चौकातील जुना उड्डाणपूल पाडून त्याठिकाणी आधुनिक दुमजली उड्डाणपूल उभारण्याचा निर्णय घेताना सुरुवातीला मोठ्या प्रमाणात टीका झाली होती. मात्र, वाहतूक कोंडीचा कायमस्वरूपी तोडगा काढण्यासाठी हा निर्णय आवश्यक असल्याचे सांगत Ajit Pawar यांनी या प्रकल्पासाठी सातत्याने पाठपुरावा केला. अभियंत्यांनी तयार केलेल्या आराखड्यानुसार प्रकल्प जलद गतीने पूर्ण करण्यासाठी प्रशासनाने काम केले आणि अखेर हा महत्त्वाचा प्रकल्प पूर्ण झाला, असे मुख्यमंत्री फडणवीस यांनी सांगितले.
पुणे शहराच्या विकासासाठी महत्त्वाचा टप्पा
पुणे हे देशातील वेगाने विकसित होणाऱ्या शहरांपैकी एक असून माहिती-तंत्रज्ञान क्षेत्रानंतर आता शहर ‘ग्लोबल कॅपॅबिलिटी सेंटर्स’ (GCC) साठी महत्त्वाचे केंद्र बनत असल्याचे फडणवीस यांनी नमूद केले. गेल्या वर्षभरात देशातील सर्वाधिक जीसीसी स्पेस पुण्यात विकसित झाली आहे. त्यामुळे शहराच्या आर्थिक आणि औद्योगिक विकासासाठी मजबूत पायाभूत सुविधा उभारणे अत्यावश्यक असल्याचे त्यांनी सांगितले.
पायाभूत सुविधांचा अभाव असल्यास शहरांचा विकास मंदावतो, अशी उदाहरणे देशात दिसून येतात. त्यामुळे पुणे शहराला वाहतूक कोंडीमुक्त करण्यावर शासनाचा भर असल्याचे फडणवीस यांनी स्पष्ट केले. रस्त्यांसाठी उपलब्ध जागा मर्यादित असल्याने उड्डाणपूल, ग्रेड सेपरेटर, भुयारी मार्ग आणि सार्वजनिक वाहतूक व्यवस्थेचा विस्तार यावर सरकार भर देत आहे.
तिन्ही स्तरांवर वाहतूक व्यवस्था
पुण्यातील वाहतूक सुधारण्यासाठी जमिनीवर, जमिनीखाली आणि आकाशात अशा तिन्ही स्तरांवर काम सुरू असल्याचे फडणवीस यांनी सांगितले. शहर आणि परिसरासाठी दोन मोठे रिंग रोड प्रकल्प राबवले जात आहेत. तसेच मेट्रोचे जाळे झपाट्याने वाढवले जात असून सार्वजनिक वाहतूक मजबूत करण्यासाठी पीएमपीएमएलला अधिक बळ दिले जात आहे.
वाहतूक कोंडी कमी होणार
गणेशखिंड रस्त्यावरील वाहतूक कोंडी अनेक वर्षांपासून पुणेकरांसाठी मोठी समस्या होती. विद्यापीठासमोरील जुना उड्डाणपूल वाहतुकीच्या वाढत्या प्रमाणासाठी अपुरा ठरत होता. त्यामुळे आधुनिक तंत्रज्ञानाचा वापर करून हा दुमजली उड्डाणपूल उभारण्यात आला. कोरोनाच्या काळातही काम सुरू ठेवत हा प्रकल्प विक्रमी वेळेत पूर्ण करण्यात आला, असे Sunetra Pawar यांनी सांगितले.
केंद्रीय राज्यमंत्री Murlidhar Mohol यांनी सांगितले की, या उड्डाणपुलामुळे शिवाजीनगर, औंध, बाणेर आणि पाषाण परिसरातील वाहतूक कोंडी मोठ्या प्रमाणात कमी होणार आहे. सुमारे २७७ कोटी रुपये खर्च करून हा प्रकल्प उभारण्यात आला आहे.
पुणे ‘ग्रोथ हब’ बनणार
पुणे शहराला मुंबई महानगराच्या धर्तीवर ‘ग्रोथ हब’ म्हणून विकसित करण्याची घोषणा केंद्राच्या अर्थसंकल्पात करण्यात आली आहे. शहराच्या एकात्मिक विकासासाठी केंद्र सरकारकडून सुमारे ८० हजार कोटी रुपयांची मदत मिळणार असून त्यामुळे पुण्याच्या विकासाला मोठी गती मिळेल, असे राज्यमंत्री Madhuri Misal यांनी सांगितले.
दुमजली उड्डाणपूल – ठळक माहिती
एकूण लांबी (रॅम्पसह) : १७६३.५२ मीटर
प्रकल्पाची किंमत : ₹२७७ कोटी
औंध, बाणेर, पाषाण आणि शिवाजीनगर मार्गांना जोडणारी रॅम्प व्यवस्था
वाहतूक सुरळीत ठेवण्यासाठी ५५ मीटर लांबीचा स्टील गर्डर
या आधुनिक दुमजली उड्डाणपुलामुळे शहराच्या पश्चिम भागातील वाहतूक व्यवस्थेला मोठा दिलासा मिळणार असून पुण्याच्या पायाभूत विकासात हा प्रकल्प महत्त्वाचा टप्पा मानला जात आहे.
