मुंबई : हिंदी चित्रपटसृष्टीतील आघाडीचा दिग्दर्शक रोहित शेट्टी यांच्या जुहू येथील निवासस्थानावर Firing at Rohit Shetty house अज्ञात व्यक्तींनी गोळीबार केल्याची खळबळजनक घटना शनिवारी मध्यरात्री घडली. या घटनेमुळे संपूर्ण बॉलिवूडसह मुंबई शहरात एकच खळबळ उडाली आहे. सुदैवाने या गोळीबारात कोणतीही जीवितहानी किंवा जखमी झाल्याची नोंद नाही. मात्र, नामवंत दिग्दर्शकाच्या घरावर थेट हल्ला झाल्याने सुरक्षेचा गंभीर प्रश्न पुन्हा एकदा ऐरणीवर आला आहे.
प्राथमिक माहितीनुसार, शनिवारी (१ फेब्रुवारी) मध्यरात्री जुहू परिसरातील रोहित शेट्टी यांच्या इमारतीवर अज्ञात व्यक्तींनी पाच राउंड गोळीबार केला. Firing at Rohit Shetty house गोळीबाराचा आवाज ऐकताच परिसरात घबराट पसरली. घटनेची माहिती मिळताच जुहू पोलीस ठाण्याचे अधिकारी तातडीने घटनास्थळी दाखल झाले. परिसराची पाहणी करून पोलिसांनी पंचनामा केला असून, या प्रकरणाचा तपास आता मुंबई पोलिसांच्या गुन्हे शाखेकडे सोपवण्यात आला आहे.
Firing at Rohit Shetty house आरोपींचा शोध घेण्यासाठी गुन्हे शाखेकडून तब्बल १२ विशेष पथकं तयार करण्यात आली असून तपास वेगाने सुरू आहे.
या घटनेप्रकरणी मुंबई पोलिसांनी अज्ञात आरोपींविरोधात भारतीय न्याय संहिता आणि आर्म्स अॅक्टच्या संबंधित कलमांखाली एफआयआर दाखल केला आहे. आरोपींचा शोध घेण्यासाठी गुन्हे शाखेकडून तब्बल १२ विशेष पथकं तयार करण्यात आली असून तपास वेगाने सुरू आहे. परिसरातील सीसीटीव्ही फुटेज तपासले जात असून, संभाव्य साक्षीदारांचीही चौकशी केली जात आहे.
घटना घडली त्या वेळी रोहित शेट्टी हे घरी उपस्थित होते की नाही, याबाबत अद्याप अधिकृत माहिती समोर आलेली नाही. तसेच या गोळीबारामागील नेमका हेतू काय होता, हा प्रश्नही अनुत्तरित आहे. वैयक्तिक वाद, धमकी, खंडणी किंवा टोळीशी संबंधित हल्ला – सर्व शक्यता गृहीत धरून पोलीस तपास करत असल्याची माहिती सूत्रांनी दिली आहे.
विशेष म्हणजे, यापूर्वी २०२४ मध्ये अभिनेता सलमान खान यांच्या वांद्रे येथील निवासस्थानाबाहेर अशाच प्रकारचा गोळीबार झाला होता. त्या घटनेची जबाबदारी कुख्यात गुंड लॉरेन्स बिश्नोई टोळीने सोशल मीडियावर स्वीकारली होती. त्या पार्श्वभूमीवर रोहित शेट्टी यांच्या घरावर झालेल्या गोळीबारामुळे हा हल्ला कोणत्या टोळीशी संबंधित आहे का, याचाही तपास पोलीस करत आहेत. मात्र, सध्या तरी कोणत्याही टोळीने या हल्ल्याची जबाबदारी स्वीकारलेली नाही.
दरम्यान, या घटनेनंतर रोहित शेट्टी यांच्या जुहूतील इमारतीभोवती कडक पोलीस बंदोबस्त तैनात करण्यात आला आहे. बॉलिवूडमधील अनेक कलाकार आणि निर्मात्यांनी या घटनेबद्दल चिंता व्यक्त केली असून, सेलिब्रिटींच्या सुरक्षेबाबत अधिक कठोर उपाययोजना करण्याची मागणी होत आहे.
रोहित शेट्टी : अॅक्शन आणि कॉमेडीचा बादशाह Firing at Rohit Shetty house
रोहित शेट्टी हे हिंदी चित्रपटसृष्टीतील अत्यंत यशस्वी आणि लोकप्रिय दिग्दर्शक मानले जातात. ‘गोलमाल’ मालिकेतील चित्रपट, ‘सिंघम’, ‘सिंघम रिटर्न्स’, ‘सिम्बा’ आणि ‘सूर्यवंशी’ यांसारख्या सुपरहिट अॅक्शन चित्रपटांमुळे त्यांनी स्वतःची वेगळी ओळख निर्माण केली आहे. भव्य अॅक्शन सीन्स, उडणाऱ्या गाड्या आणि मसालेदार मनोरंजन ही त्यांची खासियत आहे. बॉक्स ऑफिसवर हमखास यश मिळवून देणारा दिग्दर्शक म्हणून त्यांची ओळख आहे.
रोहित शेट्टी यांच्यासारख्या नामवंत दिग्दर्शकाच्या घरावर झालेल्या या गोळीबारामुळे केवळ बॉलिवूडच नव्हे, तर सामान्य नागरिकांच्या सुरक्षेबाबतही गंभीर प्रश्न उपस्थित झाले आहेत. या प्रकरणाचा छडा लवकरच लागेल, अशी अपेक्षा व्यक्त केली जात असून, पुढील तपशीलांकडे संपूर्ण देशाचे लक्ष लागले आहे.
