पुणे/पिंपरी : ऑनलाईन टास्क आणि शेअर मार्केटमध्ये गुंतवणुकीच्या नावाखाली भारतातील हजारो नागरिकांना कोट्यवधी रुपयांचा गंडा घालणाऱ्या (Cyber Crime) एका आंतरराष्ट्रीय सायबर टोळीचा पिंपरी-चिंचवड पोलिसांनी पर्दाफाश केला आहे [0]. २०२४ पासून फरार असलेला आणि दुबई, थायलंड येथून हे आंतरराष्ट्रीय रॅकेट चालविणारा मूळचा सांगलीचा मुख्य आरोपी सौरभ ऊर्फ गणेश बाळासो काळे (वय ३१, मूळ रा. सांगली) याला बँकॉक विमानतळावर ताब्यात घेण्यात आले [0]. पिंपरी-चिंचवड सायबर पोलिसांनी अत्यंत कौशल्याने तपास करत त्याला थेट पुण्यात आणले असून, या अटकेमुळे अनेक मोठे गुन्हे उघडकीस आले आहेत
सौरभ काळे हा गेल्या काही वर्षांपासून विदेशात बसून भारतीय नागरिकांची ऑनलाईन फसवणूक (Cyber Crime) करत होता २०२४ मध्ये पिंपरी-चिंचवडमधील देहूरोड पोलीस ठाण्यात त्याच्याविरुद्ध पहिला गुन्हा दाखल झाला होता. कारवाईच्या भीतीने तो भारतातून पळून दुबईला गेला. दुबईत त्याने सायबर फसवणुकीचे व्यवहार हाताळण्यासाठी चक्क एक अद्ययावत मुख्य कार्यालय (Main Office) सुरू केले होते.
दुबईतून तो भारतातील काही एजंट्सच्या संपर्कात होता. जून २०२४ मध्ये सायबर पोलिसांनी या प्रकरणात १३ आरोपींना अटक केली होती. त्यांच्या चौकशीत ‘दीपक गाडे’ नावाच्या आरोपीने दुबईत जाऊन सौरभ काळेची भेट घेतल्याचे समोर आले. हे आरोपी भारतातील निष्पाप नागरिकांची बँक खाती, एटीएम कार्ड, चेक बुक, इंटरनेट बँकिंग आयडी आणि पासवर्ड मिळवून (Cyber Crime) ते सौरभला पुरवायचे आणि त्याबदल्यात मोठी कमिशन घ्यायचे.
चिनी नागरिकांशी थेट संपर्क; अशी होती ‘मोडस ऑपेरांडी’
सहायक पोलीस निरीक्षक प्रवीण स्वामी यांनी केलेल्या तांत्रिक तपासात अत्यंत धक्कादायक माहिती समोर आली आहे. सौरभ काळे हा चीन आणि इतर परदेशी सायबर गुन्हेगारांच्या थेट संपर्कात होता. त्यांच्या मदतीने त्याने भारतात फसवणुकीचे (Cyber Crime) मोठे जाळे विणले होते.
आरोपींची फसवणूक करण्याची पद्धत अतिशय नियोजनबद्ध होती:
१. टास्क फ्रॉड: घरबसल्या पार्ट टाईम जॉब आणि ऑनलाईन टास्क पूर्ण करून दररोज हजारो रुपये कमवण्याचे आमिष दाखवून लोकांना अडकवणे.
२. शेअर मार्केट इन्व्हेस्टमेंट फ्रॉड: बनावट ॲप्स आणि खोट्या नफ्याचे स्क्रीनशॉट्स दाखवून शेअर बाजारात गुंतवणुकीच्या नावाखाली कोट्यवधी रुपये उकळणे. हिंजवडीत अशाच प्रकारे १८ लाख आणि सायबर पोलीस ठाण्याच्या हद्दीत तब्बल २ कोटी ६६ लाख रुपयांची फसवणूक केल्याचे उघड झाले आहे.
३. डिजिटल अरेस्ट: पोलीस किंवा सीबीआय अधिकारी असल्याचे भासवून लोकांना व्हिडिओ कॉलद्वारे घाबरवणे आणि त्यांच्याकडून पैसे उकळणे.
दुबईतून बँकॉकला पलायन; पोलिसांनी लावला ससेमिरा
पुणे पोलिसांच्या सायबर विभागाने आरोपीविरुद्ध (Cyber Crime) भक्कम पुरावे गोळा करून कायदेशीर कारवाई सुरू केली होती. महाराष्ट्र शासन आणि केंद्रीय गृह मंत्रालयाच्या माध्यमातून आरोपीच्या प्रत्यार्पणाचा प्रस्ताव आणि ‘प्रोव्हिजनल अरेस्ट’ची मागणी दुबई सरकारकडे पाठवण्यात आली होती [0].
या कारवाईची कुणकुण लागताच, सप्टेंबर २०२५ मध्ये गणेश काळे दुबई सोडून थायलंडमधील बँकॉक येथे पळून गेला. मात्र, सायबर पोलिसांनी हार मानली नाही. त्यांनी तात्काळ हालचाली करत आरोपीविरुद्ध ‘रेड कॉर्नर नोटीस’ (Red Corner Notice) आणि ‘लूक आऊट सर्कुलर’ (LOC) जारी करून घेतले.
विमानतळावर थरारक अटक आणि प्रत्यार्पण
(Cyber Crime) गणेश काळे हा बँकॉक येथून दुसऱ्या देशात पळून जाण्याच्या तयारीत असतानाच, केंद्रीय गृह मंत्रालयाच्या आणि आंतरराष्ट्रीय यंत्रणांच्या समन्वयामुळे बँकॉक विमानतळावरील सुरक्षा पथकाने त्याला ताब्यात घेतले.
याची माहिती मिळताच पिंपरी-चिंचवड सायबर पोलिसांचे पथक तत्पर झाले. ११ जून रोजी मुंबई आंतरराष्ट्रीय विमानतळावर विमानाने आणल्यानंतर, सायबर पोलीस ठाण्याचे सहायक पोलीस निरीक्षक प्रवीण स्वामी, हवालदार हेमंत खरात आणि नितेश बिचेवार यांनी अधिकृतपणे त्याचा ताबा घेतला.
अनेक बड्या गुन्ह्यांची उकल
गणेश काळेच्या अटकेमुळे पोलीस यंत्रणेला मोठे यश आले आहे. प्राथमिक तपासातच देहूरोड, हिंजवडी आणि सायबर पोलीस ठाण्यातील गुन्ह्यांची (Cyber Crime) उकल झाली आहे. याशिवाय:
नोडल सायबर पोलीस ठाणे, मुंबई
मालवणी पोलीस ठाणे, मुंबई
सायबरबाद पोलीस ठाणे (२ गुन्हे)
अशा एकूण चार अन्य मोठ्या गुन्ह्यांची उकल होण्यास मदत झाली आहे. या आंतरराष्ट्रीय टोळीने देशात आणखी किती जणांना गंडा घातला आहे, याचा तपास आता पोलीस करत आहेत.
पोलीस पथकाचे कौतुक
ही उल्लेखनीय आणि धाडसी कामगिरी (Cyber Crime) पोलीस आयुक्त विनयकुमार चौबे, पोलीस सह आयुक्त डॉ. शशिकांत महावरकर, अपर पोलीस आयुक्त सारंग आव्हाड, पोलीस उपायुक्त रोहिदास पवार, संदीप डोईफोडे, डॉ. शिवाजी पवार, आणि सहायक पोलीस आयुक्त डॉ. विशाल हिरे यांच्या मार्गदर्शनाखाली करण्यात आली. या मोहिमेत पोलीस निरीक्षक रविकिरण नाळे, सहायक पोलीस निरीक्षक प्रवीण स्वामी, पोलीस उपनिरीक्षक सागर पोमण, पोलीस अंमलदार दीपक भोसले, हेमंत खरात, नितेश बिचेवार, अतुल लोखंडे आणि सायबर पोलीस ठाण्याच्या संपूर्ण पथकाने मोलाची भूमिका बजावली.
