पुणे : कोथरूड (Kothrud) विधानसभा मतदारसंघातील राजकीय संघर्ष आता कचऱ्याच्या ढिगापर्यंत येऊन पोहोचला आहे. राज्याचे उच्च व तंत्रशिक्षणमंत्री आणि कोथरूडचे आमदार चंद्रकांत पाटील यांच्या जनसंपर्क कार्यालयासमोर साचलेल्या कचऱ्याचा फोटो राष्ट्रवादी काँग्रेसचे नगरसेवक अमोल बालवडकर Amol Balwadkar यांनी सोशल मीडियावर प्रसिद्ध केला. ‘माझा मतदारसंघ आता जनतेला स्वच्छ हवा आहे,’ असे म्हणत त्यांनी पुणे महापालिका आयुक्तांना कचरा उचलण्याची विनंती केली.
(Kothrud) पोस्टनंतर काही मिनिटांत कचरा उचलण्यात आल्याचा दुसरा फोटोही समोर आला. त्यामुळे स्वच्छतेचा प्रश्न सुटला असला, तरी कोथरूडमधील राजकीय स्पर्धेची नव्याने चर्चा सुरू झाली आहे.
कार्यालयाचा फलक अन् समोर कचऱ्याचा ढीग
बालवडकर Amol Balwadkar यांनी प्रसिद्ध केलेल्या पहिल्या छायाचित्रात चंद्रकांत पाटील Chandrakant Patil यांच्या जनसंपर्क कार्यालयाचा (Kothrud) फलक आणि त्यासमोरील रस्त्यावर साचलेला कचऱ्याचा ढीग स्पष्ट दिसतो. या छायाचित्रासोबत त्यांनी थेट महापालिका आयुक्तांना उद्देशून मजकूर लिहिला. ‘मा. आयुक्त साहेब, माझा मतदारसंघ आता जनतेला स्वच्छ हवा आहे. बिनकामाचा कचरा जमा झाला आहे. कृपया हा कचरा लवकरात लवकर उचलावा; नाहीतर आम्हाला जनतेच्या सहकार्याने उचलावा लागेल,’ असे त्यांनी पोस्टमध्ये म्हटले आहे.
शब्दांची निवड ठरली चर्चेचा विषय
या पोस्टमध्ये बालवडकर Amol Balwadkar यांनी चंद्रकांत पाटील Chandrakant Patil यांचे नाव घेतलेले नाही. मात्र, कचरा साचलेले ठिकाण, (Kothrud) छायाचित्रात ठळकपणे दिसणारा जनसंपर्क कार्यालयाचा फलक आणि ‘बिनकामाचा कचरा’ या शब्दांचा केलेला वापर यामुळे पोस्टचा राजकीय रोख कोणाकडे आहे, याची चर्चा सुरू झाली. ‘स्वच्छ कोथरूड, सुंदर कोथरूड’ (Kothrud) अशी घोषणाही त्यांनी केली. त्यामुळे हा केवळ नागरी प्रश्न मांडण्याचा प्रयत्न होता की राजकीय टोला, अशी चर्चा सोशल मीडियावर रंगली आहे.
काही मिनिटांत परिसर चकाचक
पहिली पोस्ट (Kothrud) प्रसिद्ध झाल्यानंतर काही मिनिटांतच संबंधित ठिकाणचा कचरा उचलण्यात आल्याचे दुसऱ्या छायाचित्रातून दिसते. या छायाचित्रात कार्यालयासमोरील रस्ता स्वच्छ झालेला दिसतो. महापालिका प्रशासनाने तत्परतेने केलेल्या कार्यवाहीमुळे नागरिकांचा प्रश्न मार्गी लागला. मात्र, बालवडकर यांच्या एका पोस्टनंतर प्रशासनाची यंत्रणा वेगाने हलल्याने त्याला राजकीय अर्थ प्राप्त झाला आहे. या कार्यवाहीच्या नेमक्या कालावधीबाबत महापालिकेकडून स्वतंत्र माहिती उपलब्ध झालेली नाही.
तिकीटवाटपापासून संघर्षाची पार्श्वभूमी
बालवडकर Amol Balwadkar आणि पाटील Chandrakant Patil यांच्यातील राजकीय मतभेद नवे नाहीत. विधानसभा निवडणुकीपासूनच दोघांमधील संघर्षाची चर्चा होती. त्यानंतर पुणे महापालिका निवडणुकीत भाजपने उमेदवारी नाकारल्याने बालवडकर यांनी अजित पवार यांच्या नेतृत्वाखालील राष्ट्रवादी काँग्रेसमध्ये प्रवेश केला. प्रभाग क्रमांक नऊमधून त्यांनी निवडणूक जिंकत महापालिकेत प्रवेश केला. निवडणुकीपूर्वी तिकीटवाटपावरून झालेल्या आरोप-प्रत्यारोपांमध्ये चंद्रकांत पाटील यांचे नावही चर्चेत आले होते.
भाजपला दिला होता राजकीय धक्का
भाजपमधून बाहेर पडल्यानंतर राष्ट्रवादी काँग्रेसकडून विजय मिळवत बालवडकर यांनी आपली स्थानिक ताकद दाखवून दिली. बाणेर-बालेवाडी परिसरातील निवडणूक ही पुण्यातील चर्चेच्या लढतींपैकी एक ठरली होती. बालवडकर यांच्या विजयामुळे भाजपला त्यांच्या प्रभावक्षेत्रात राजकीय धक्का बसला. तेव्हापासून स्थानिक नागरी प्रश्नांच्या माध्यमातून बालवडकर भाजप आणि विशेषतः पाटील यांना घेरण्याचा प्रयत्न करीत असल्याचे चित्र आहे.
स्वच्छतेतून राजकारणाचा ‘संदेश’
चंद्रकांत पाटील Chandrakant Patil हे सध्या राज्याचे उच्च व तंत्रशिक्षणमंत्री असून कोथरूडचे प्रतिनिधित्व करतात. त्यामुळे त्यांच्याच कार्यालयासमोर कचरा साचल्याचे छायाचित्र प्रसिद्ध करून बालवडकर यांनी प्रशासनासोबत स्थानिक नेतृत्वालाही अप्रत्यक्षपणे प्रश्न विचारल्याचे मानले जात आहे.
नागरिकांचा प्रश्न सुटला, राजकीय कचरा कायम?
बालवडकर यांच्या पोस्टमुळे कचरा तातडीने उचलला गेला, ही नागरिकांच्या दृष्टीने समाधानाची बाब ठरली. लोकप्रतिनिधींनी अशाच पद्धतीने नागरी समस्यांकडे प्रशासनाचे लक्ष वेधावे, अशी प्रतिक्रिया व्यक्त होत आहे. मात्र, पाटील Chandrakant Patil आणि बालवडकर यांच्यातील राजकीय संघर्ष पाहता आगामी काळात रस्ते, कचरा, पाणी आणि वाहतूक यांसारख्या स्थानिक प्रश्नांवरूनही दोन्ही बाजूंमध्ये आरोप-प्रत्यारोप रंगण्याची शक्यता आहे. कार्यालयासमोरील कचरा उचलला गेला असला, तरी कोथरूडच्या राजकारणातील संघर्षाचा ‘कचरा’ इतक्यात साफ होण्याची चिन्हे नाहीत.
