पुणे : ऐतिहासिक सिंहगड किल्ल्यावर रविवारी एक अत्यंत थरारक (Trekking Accident) आणि माणुसकीचे दर्शन घडवणारा प्रसंग समोर आला आहे. पोलीस भरतीची तयारी करणाऱ्या एका विद्यार्थिनीचा ट्रेकिंगदरम्यान पाय घसरून गंभीर अपघात झाला. गडाच्या मध्यभागी पाय फ्रॅक्चर झालेल्या अवस्थेत ही विद्यार्थिनी तब्बल साडेसहा तास मदतीशिवाय पडून होती. मात्र, सिंहगडाचे सुरक्षा रक्षक हरिदास कुंडलिकराव वऱ्हाड (Haridas Varhad) यांची तत्परता आणि हवेली आपत्ती व्यवस्थापन विभागाच्या जवानांनी दाखवलेले धाडस यांमुळे या विद्यार्थिनीला वेळेत जीवदान मिळाले.
(Trekking Accident) तब्बल ९० किलो वजन असलेल्या या विद्यार्थिनीला अतिशय कठीण आणि दुर्गम वाटेवरून खांद्यावर उचलून सुरक्षित खाली आणण्यात आले. या यशस्वी बचावकार्यामुळे परिसरातून आणि सोशल मीडियावर कौतुकाचा वर्षाव होत आहे.
पहाटेचा ट्रेक आणि अचानक उद्भवलेले संकट
नेहमीप्रमाणे पोलीस भरतीची तयारी करणारे तरुण-तरुणी रविवारी पहाटे सिंहगड किल्ल्यावर ट्रेकिंगसाठी गेले होते. सकाळी सुमारे ६ वाजता हा गट गडावर चढू लागला. या संपूर्ण चमूचे नेतृत्व त्यांचे प्रशिक्षक स्वप्नील गंगड सर करत होते. पहाटेची आल्हाददायक हवा आणि गडावरील निसर्गाचा आनंद घेत सर्वांनी चढाई पूर्ण केली. मात्र, गडावरून खाली उतरत असताना या चमूतील एक विद्यार्थिनी अतिशय थकल्यामुळे मागे पडली.
ती पुणे दरवाज्याजवळ उभी असल्याचे काही सहकाऱ्यांनी पाहिले होते. मात्र, त्यानंतर ती पाठीमागून हळूहळू खाली येत असताना सिंहगडाच्या मध्यभागी असणाऱ्या कठीण ट्रेकिंग मार्गावर तिचा पाय घसरला. तोल गेल्याने ती कोसळली आणि तिच्या पायाला गंभीर दुखापत (Trekking Accident) झाली. अपघातात पायाचे हाड जागीच फ्रॅक्चर झाल्यामुळे असह्य वेदनांनी ती जागीच पडून राहिली.
गडाच्या मध्यभागी ६ तास असह्य वेदना
अपघाताचे (Trekking Accident) गांभीर्य इतके होते की, त्या विद्यार्थिनीला जागचे हलणेही शक्य नव्हते. दाट झाडी आणि मुख्य वाटेपासून थोडी बाजूला पडल्यामुळे ती इतर पर्यटकांच्या नजरेस पडली नाही. सकाळी ६ वाजता झालेला हा अपघात आणि त्यानंतर दुपारी दीड वाजेपर्यंत म्हणजेच तब्बल साडेसहा तास ती विद्यार्थिनी तीव्र वेदना सहन करत त्याच निर्जन ठिकाणी पडून होती. दरम्यान, इतर सर्व विद्यार्थी गडावरून खाली उतरले होते. प्रशिक्षक स्वप्नील गंगड सर आणि इतर सहकारी खाली तिची वाट पाहत उभे होते.
येणाऱ्या-जाणाऱ्या पर्यटकांकडे ते विचारपूस करत होते, पण तिचा काहीच पत्ता लागत नव्हता. सुरुवातीला ती पुढे निघून गेली असावी, असा अंदाज सर्वांनी बांधला. मात्र, संपूर्ण गट खडकवासला डॅम चौपाटी येथे पोहोचल्यानंतरही ती आली नाही. काळजीपोटी तिच्या कुटुंबीयांशी संपर्क साधला असता, ती घरी पोहोचली नसल्याचे समजले. यामुळे सर्वांच्या काळजाचा ठोका चुकला.
ड्युटी संपल्यावरही धावला देवदूत: हरिदास वऱ्हाडांची माणुसकी
विद्यार्थिनी बेपत्ता असल्याची माहिती मिळताच खडकवासला येथे कर्तव्यावर असलेले बहादूर सुरक्षा रक्षक हरिदास कुंडलिकराव वऱ्हाड (Haridas Varhad) यांना या घटनेची कल्पना देण्यात आली. परिस्थितीचे गांभीर्य ओळखून हरिदास वऱ्हाड यांनी वेळ न गमावता तात्काळ हवेली आपत्ती व्यवस्थापन विभागाचे अध्यक्ष तानाजी भोसले यांच्याशी संपर्क साधला आणि घटनेची कल्पना दिली.
अत्यंत कौतुकास्पद बाब म्हणजे, सुरक्षा रक्षक हरिदास वऱ्हाड (Haridas Varhad) यांची ड्युटी नेमकी त्याच वेळी संपली होती. मात्र, वैयक्तिक कामापेक्षा आणि विश्रांतीपेक्षा त्यांनी एका निष्पाप मुलीचा जीव वाचवण्याला प्राधान्य दिले. (Trekking Accident) कर्तव्य संपले तरी माणुसकी संपलेली नाही, हे दाखवत त्यांनी थेट सिंहगडाच्या दिशेने धाव घेतली आणि स्वतः बचावकार्यात सक्रिय सहभाग नोंदवला.
९० किलो वजनामुळे थरारक रेस्क्यू ऑपरेशन
माहिती मिळताच हवेली आपत्ती व्यवस्थापन विभागाचे पथक तातडीने सिंहगडावर दाखल झाले. त्यांनी दुर्गम भागात शोधमोहीम सुरू केली. अखेर तासाभराच्या शोधानंतर ती विद्यार्थिनी गडाच्या मध्यभागी अतिशय गंभीर आणि विव्हळत असलेल्या अवस्थेत (Trekking Accident) आढळून आली. तिचा पाय मोडून फ्रॅक्चर झाला होता. बचाव पथकाने तिला तात्काळ प्रथमोपचार देऊन स्ट्रेचरवर झोपवले, पण खरी अडचण पुढे होती. त्या विद्यार्थिनीचे वजन अंदाजे ९० किलो असल्यामुळे चढ-उताराच्या आणि अरुंद वाटेवर स्ट्रेचरचा तोल सांभाळणे अत्यंत कठीण जात होते.
काही अरुंद व खडकाळ ठिकाणी स्ट्रेचर नेणे अशक्य झाल्यामुळे जवानांनी आणि हरिदास वऱ्हाड (Haridas Varhad) यांनी स्वतःच्या जिवाची पर्वा न करता, त्या मुलीला आपल्या खांद्यावर उचलून घेतले. अतिशय घसरड्या आणि धोकादायक वाटेवरून तिला खांद्यावर वाहून सुरक्षितपणे गडाखाली आणले. खाली सज्ज असलेल्या रुग्णवाहिकेद्वारे तिला तत्काळ रुग्णालयात दाखल करण्यात आले.
“माणुसकी अजून जिवंत आहे…”
सुरक्षा रक्षक हरिदास कुंडलिकराव वऱ्हाड (Haridas Varhad) यांनी यापूर्वीही अनेक पर्यटकांचे जीव वाचवून शौर्य आणि सामाजिक बांधिलकीचे अनेक आदर्श प्रस्थापित केले आहेत. कालच्या या थरारक घटनेने (Trekking Accident) त्यांच्यातील संवेदनशील माणसाचे आणि आपत्ती व्यवस्थापन पथकाच्या शौर्याचे पुन्हा एकदा दर्शन घडवले. “संकटकाळात धावून जाणारे हात आजही समाजात आहेत, माणुसकी अजून जिवंत आहे,” अशी भावना या बचावकार्यानंतर उपस्थितांनी व्यक्त केली.
