पुणे : पुण्यातील अमली पदार्थांचे जाळे आणि बेकायदेशीर पार्ट्यांच्या विळख्याची चर्चा थांबत नसतानाच, आता हवेली तालुक्यातील तुळापूर परिसरातून एक अत्यंत धक्कादायक आणि खळबळजनक बातमी समोर आली आहे. एका आलिशान बंगल्यामध्ये अत्यंत गुप्तपणे सुरू असलेल्या हाय-प्रोफाईल कथित रेव्ह पार्टीवर पुणे पोलिसांनी मध्यरात्री अचानक धाड टाकत (Tulapur Rave Party Raid) मोठी कारवाई केली आहे. या धडक कारवाईत पोलिसांनी १०० हून अधिक तरुण-तरुणींना घटनास्थळावरून ताब्यात घेतले आहे. या संपूर्ण प्रकरणाबाबत पुण्याच्या अप्पर पोलीस आयुक्त तेजस्विनी सातपुते (Tejaswini Satpute IPS) यांनी अत्यंत धक्कादायक खुलासे केले असून, यामुळे संपूर्ण पुणे जिल्हा आणि पोलीस प्रशासनात मोठी खळबळ उडाली आहे.
(Tulapur Rave Party Raid) लोणीकंद पोलीस ठाण्याच्या हद्दीत असणाऱ्या तुळापूर येथील एका निर्जन पण आलिशान बंगल्यात अत्यंत सुनियोजित पद्धतीने ही पार्टी आयोजित करण्यात आली होती. शनिवार आणि रविवारच्या सुट्टीचा गैरफायदा घेत या ठिकाणी मोठा धिंगाणा सुरू असल्याची गोपनीय माहिती लोणीकंद पोलिसांना मिळाली होती.
त्यानुसार पोलिसांनी वरिष्ठ अधिकाऱ्यांच्या मार्गदर्शनाखाली पथके तयार करून रात्रीच्या वेळी या ठिकाणी वेढा घातला आणि अचानक छापा टाकला. पोलिसांच्या या अचानक झालेल्या कारवाईमुळे पार्टीत गाण्यांच्या तालावर थिरकणाऱ्या आणि नशेत दंग असलेल्या तरुण-तरुणींची एकच पळापळ आणि प्रचंड गोंधळ उडाला.
परवानगीची वेळ संपल्यानंतरही बेधुंद धिंगाणा सुरूच!
अप्पर पोलीस आयुक्त तेजस्विनी सातपुते (Tejaswini Satpute IPS) यांनी पत्रकार परिषदेत दिलेल्या माहितीनुसार, या कार्यक्रमाच्या (Project X Party Pune) आयोजनासाठी राज्य उत्पादन शुल्क विभागाकडून (Excise Department) अधिकृत परवानगी घेण्यात आली होती. सदर परवानगी ही दुपारी १ वाजल्यापासून ते रात्री साडेअकरा वाजेपर्यंतची (११:३० PM) देण्यात आली होती. नियमानुसार रात्री साडेअकरानंतर संगीत आणि मद्यविक्री तात्काळ बंद करून कार्यक्रम आटोपता घेणे अत्यंत बंधनकारक होते.
मात्र, कायद्याला आणि नियमांना पूर्णपणे केराची टोपली दाखवत मध्यरात्रीनंतरही (Project X Party Pune) मोठ्या आवाजात संगीत, मद्यसेवन आणि धिंगाणा सुरूच ठेवण्यात आला होता. कायद्याचे खुलेआम उल्लंघन होत असल्याची खात्रीशीर माहिती मिळताच पोलिसांनी तात्काळ पावले उचलत या ठिकाणी धाड (Tulapur Rave Party Raid) टाकली.
लाखो रुपयांचा बेकायदेशीर मद्यसाठा आणि गांजा जप्त
पोलिसांनी बंगल्यात प्रवेश केला असता तिथे उपस्थित असलेल्या तरुण-तरुणींची संख्या आणि तिथली एकूण परिस्थिती पाहून अधिकारीही थक्क झाले. या छाप्यात (Tulapur Rave Party Raid) पोलिसांनी घटनास्थळावरून लाखो रुपयांचा अवैध मद्यसाठा, प्रतिबंधित अमली पदार्थ म्हणजेच गांजा आणि मोठ्या प्रमाणात मानवी आरोग्याला घातक असणारे तंबाखूजन्य पदार्थ जप्त केले आहेत.
पार्टीमध्ये अशा प्रकारची नशा आणणारे साहित्य कुठून आले, हे अमली पदार्थ पुरवण्यामागे कोणाचे रॅकेट कार्यरत आहे आणि शहरातील ड्रग पेडलर्सचा यात थेट सहभाग आहे का, याचा सखोल तपास आता पोलिसांकडून सुरू करण्यात आला आहे. जप्त करण्यात आलेला मद्यसाठा हा मर्यादेपेक्षा कितीतरी पटीने अधिक असल्याची माहिती समोर आली आहे.
२१ वर्षांखालील तरुणांचा मोठ्या प्रमाणावर समावेश? ओळख पडताळणी सुरू!
या कथित हाय-प्रोफाईल पार्टीत राज्यातील नामांकित शहरांतील आणि पुणे शहरातील उच्चभ्रू घरांतील तरुण-तरुणी सहभागी झाल्याचे समजते. (Tulapur Rave Party Raid) ताब्यात घेण्यात आलेल्या १०० हून अधिक जणांपैकी अनेक तरुण आणि तरुणी हे २१ वर्षांखालील असण्याची दाट शक्यता पोलिसांनी व्यक्त केली आहे.
नियमांनुसार विशिष्ट वयाखालील तरुणांना मद्य पिण्यास आणि अशा पार्ट्यांमध्ये सहभागी होण्यास कायद्याने सक्त मनाई आहे. त्यामुळे पोलिसांनी या सर्व तरुण-तरुणींची ओळखपत्रे, त्यांचे वय आणि इतर आवश्यक कागदपत्रांची पडताळणी करण्याचे काम युद्धपातळीवर सुरू केले आहे. संशयित आरोपींच्या वैद्यकीय चाचण्याही केल्या जाण्याची शक्यता आहे.
बंगला मालक आणि मुख्य आयोजक पोलिसांच्या थेट निशाण्यावर
या मोठ्या कारवाईनंतर (Tulapur Rave Party Raid) केवळ पार्टीत धुमाकूळ घालणारे तरुणच नाही, तर या पार्टीचे (Project X Party Pune)) मुख्य आयोजक आणि ज्या आलिशान बंगल्यात हा संपूर्ण बेकायदेशीर प्रकार सुरू होता, तो बंगला मालकसुद्धा पोलिसांच्या चौकशीच्या कचाट्यात सापडले आहेत. या बंगल्याच्या मालकाने केवळ पैशांच्या हव्यासापोटी हा बंगला बेकायदेशीर कृत्यांसाठी भाड्याने दिला होता का? की त्याचा या पार्टीशी थेट संबंध आहे? या सर्व बाबींचा शोध पोलीस घेत आहेत.
“बंगला उपलब्ध करून देणाऱ्या व्यक्तीची भूमिका अत्यंत संशयास्पद असून, या प्रकरणात दोषी आढळणाऱ्या कोणाचीही गय केली जाणार नाही,” असा कडक इशारा अप्पर पोलीस आयुक्त तेजस्विनी सातपुते यांनी दिला आहे.
पार्टीचा मुख्य सूत्रधार कोण? पोलिसांचा तपास तीव्र!
(Tulapur Rave Party Raid) या कथित रेव्ह पार्टीसाठी एवढ्या मोठ्या संख्येने तरुण-तरुणी एकत्र कसे आले? त्यांना कोणत्या सोशल मीडिया ग्रुप्स किंवा गुप्त कोड्सद्वारे आमंत्रित करण्यात आले होते? यामागे पुण्यात सक्रिय असलेले ड्रग्सचे एखादे मोठे रॅकेट कार्यरत आहे का? या सर्व प्रश्नांची उत्तरे शोधण्यासाठी लोणीकंद पोलिसांची विविध पथके तपास करत आहेत.
पुणे हे राज्याचे शैक्षणिक माहेरघर आणि आयटी हब म्हणून जगभरात ओळखले जाते. मात्र, गेल्या काही काळापासून वाढणाऱ्या अशा बेकायदेशीर ड्रग्ज पार्ट्यांमुळे शहराच्या संस्कृतीला मोठा डाग लागत आहे. अशा परिस्थितीत तेजस्विनी सातपुते (Tejaswini Satpute IPS) यांनी केलेल्या या धाडसी आणि धडक कारवाईचे सर्व स्तरांतून कौतुक होत असून, बेकायदेशीर व्यवसाय करणाऱ्यांचे धाबे पुरते दणाणले आहेत. या प्रकरणात पोलीस आगामी काळात आणखी कोणकोणते मोठे मासे गळाला लावतात आणि कोणते धक्कादायक खुलासे करतात, याकडे संपूर्ण महाराष्ट्राचे लक्ष लागून राहिले आहे.
