सॅनफ्रान्सिस्को / बंगळुरू / पुणे : मानवी विचारशक्ती, एकाग्रता आणि संशोधक वृत्तीला चालना देणाऱ्या ‘गुरुचॅट्स’ या अभिनव डिजिटल संवाद मंचाचे जागतिक स्तरावर लोकार्पण करण्यात आले. क्वांटमफोर्स इन्क (Quantumforce Inc) तर्फे विकसित करण्यात आलेल्या या एआय-आधारित प्रणालीद्वारे भारत आणि अमेरिकेत सुरक्षित, मुक्त आणि निर्भय संवादाची नवी संकल्पना साकारण्यात आली आहे.
कंपनीचे (Quantumforce Inc) मुख्य कार्यकारी अधिकारी आणि संशोधक भूपेंद्र चौधरी यांनी सांगितले की, “गुरुचॅट्स हा एंड-टू-एंड एन्क्रिप्टेड आणि नॉन-रेकॉर्डेबल डिजिटल प्लॅटफॉर्म आहे.
यातील संभाषण केवळ त्या सत्रापुरते मर्यादित राहते. कोणतीही रेकॉर्डिंग, ट्रान्सक्रिप्शन किंवा रीप्लेची सुविधा उपलब्ध नसल्यामुळे संवाद अधिक प्रामाणिक आणि निर्भय बनतो.”
‘रेकॉर्डिंग कल्चर’ला पर्याय
डिजिटल युगात प्रत्येक संवादाची नोंद ठेवली जाते, ही सवय व्यक्तीच्या विचारमुक्त अभिव्यक्तीला मर्यादा आणते, असे कंपनीचे मत आहे. ‘गुरुचॅट्स’ ही संकल्पना या ‘रेकॉर्डिंग कल्चर’ला पर्याय देण्यासाठी विकसित करण्यात आली आहे. तंत्रज्ञानामुळे संवाद अधिक वेगवान झाला असला, तरी लक्ष केंद्रीकरण आणि बौद्धिक धैर्यावर त्याचा विपरीत परिणाम झाल्याचे चौधरी यांनी नमूद केले.
‘कॉग्निटिव्ह इन्फ्रास्ट्रक्चर’ म्हणून ओळखला जाणारा हा मंच लक्ष, स्मरणशक्ती, विश्लेषण क्षमता आणि प्रभावी अभिव्यक्ती कौशल्य वाढवण्यावर भर देतो. विद्यापीठे, कॉर्पोरेट नेतृत्व संघ, सल्लागार, शिक्षक, थिंक टँक आणि समुदाय गटांसाठी हा प्लॅटफॉर्म विशेषतः उपयुक्त ठरणार आहे.
प्राचीन अथेन्सची प्रेरणा
या मंचाच्या निर्मितीमागे प्राचीन अथेन्समधील ‘निक्स’ या ऐतिहासिक स्थळाची प्रेरणा आहे. त्या ठिकाणी नागरिक निर्भयपणे सार्वजनिक चर्चा करत, मात्र त्याची कोणतीही नोंद ठेवली जात नव्हती. त्याच धर्तीवर आधुनिक डिजिटल विश्वात विश्वासार्ह आणि गोपनीय संवादाची जागा निर्माण करण्याचा प्रयत्न ‘गुरुचॅट्स’मधून करण्यात आला आहे.
सुरक्षितता आणि गोपनीयतेवर भर
कंपनीच्या माहितीनुसार, प्लॅटफॉर्मवर माहितीची चोरी, छेडछाड किंवा गैरवापर होण्याचा धोका नाही. एन्क्रिप्टेड तंत्रज्ञानामुळे संभाषण केवळ सहभागी व्यक्तींमध्येच मर्यादित राहते. उच्च-विश्वासाच्या वातावरणात धोरणात्मक चर्चा आणि संवेदनशील विषयांवर मुक्त संवाद साधण्यासाठी ही प्रणाली उपयुक्त ठरेल.
भारत-अमेरिका एकत्रित लाँचची रणनीती
अमेरिका आणि भारतात एकत्रित लाँच करण्यामागे शैक्षणिक आणि बौद्धिक चर्चेची मजबूत परंपरा असलेल्या बाजारपेठांवर लक्ष केंद्रित करण्याची रणनीती असल्याचे कंपनीने स्पष्ट केले. लाँचनंतर होणाऱ्या जागतिक परिषदेत शिक्षक, संस्थात्मक भागीदार आणि प्रारंभिक वापरकर्ते सहभागी होऊन खाजगी, उपस्थिती-आधारित संवादाच्या भविष्यासंदर्भात चर्चा करणार आहेत.
कंपनीकडून भागीदारी संधी, संस्थात्मक परवाने आणि अर्ली-ऍक्सेस सुविधा अधिकृत माध्यमांद्वारे उपलब्ध करून दिल्या जाणार आहेत.
‘गुरुचॅट्स’ची ठळक वैशिष्ट्ये
एंड-टू-एंड एन्क्रिप्टेड डिजिटल संवाद मंच
रेकॉर्डिंग, सेव्ह किंवा रीप्लेची सुविधा नाही
मुक्त व धोरणात्मक चर्चेसाठी सुरक्षित वातावरण
विद्यापीठे, कंपन्या, प्रशिक्षक आणि संशोधन संस्थांसाठी उपयुक्त
लक्ष, विचारशक्ती आणि संवाद कौशल्य वृद्धिंगत करण्यावर भर
“आधुनिक नेतृत्व, संशोधन आणि प्रशिक्षण क्षेत्रासाठी ‘गुरुचॅट्स’ अत्यंत उपयुक्त ठरणार आहे. निर्भय आणि मुक्त संवादाची नवी संस्कृती निर्माण करण्याची क्षमता या प्लॅटफॉर्ममध्ये आहे,” असे भूपेंद्र चौधरी Bhupendra Chaudhary यांनी सांगितले.
हे ही वाचा : Pune Municipal Corporation वाहतूक व्यवस्था सक्षम, वेगवान करण्यासाठी अल्पकालीन उपाययोजना करणार – आयुक्त नवल किशोर राम
